USD 434.24 EUR 492.69
RUB 5.67 CNY 68.46
Jańalyqtar

Сирия жөніндегі Астана процесі: Қандай мәселелер талқыланады

2021 жылғы 8 желтоқсан 20:20
Бөлісіңіз:
Сирия жөніндегі Астана процесі: Қандай мәселелер талқыланады

НҰР-СҰЛТАН. ҚазАқпарат – ҚР Сыртқы істер министрлігі Сирия жөніндегі Астана процесіне қатысушылар желтоқсан айының алдағы күндері өтетін кезекті кездесуде қандай мәселе талқыланатынын мәлім етті, деп хабарлайды ҚазАқпарат.

Ұқсас жаңалықтар

Сирия жөніндегі Астана процесі аясындағы кезекті кездесу 2021 жылғы 21-22 желтоқсанда Нұр-Сұлтан қаласында өтетінін бұған дейін жазған болатынбыз. Келіссөздерге Ресей, Түркия, Иран, Сирия үкіметі және сириялық оппозиция қатысады. Бақылаушылар ретінде БҰҰ, Иордания, Ливан және Ирак өкілдерінің келуі күтіледі.

«Тараптар Сириядағы ахуалды, Астана процесі аясында бұрын қол жеткізген келісімдерді орындау мақсатында деэскалация аймақтарындағы тұрақтылықты қолдау міндеттерін қарастырады. Сондай-ақ, кепілгер мемлекеттер – Ресей, Түркия және Иранның, сондай-ақ БҰҰ және Халықаралық Қызыл Крест комитетінің қатысуымен Мәжбүрлеп ұсталып отырған тұлғалар бойынша жұмыс тобының отырысы жоспарлануда.

БҰҰ аясындағы келіссөздер процесіне серпін беру мақсатында тараптар Женевадағы сириялық Конституциялық комитет жұмысының жоспарларын талқылайды», - делінген ҚР СІМ хабарламасында.

Мәлім етілгендей, Нұр-Сұлтан қаласындағы екіжақты және үшжақты консультациялар екі күнге созылады. Қорытынды мәлімдеменің мәтіні ресми ақпарат көздерінде жарияланады. Коронавирустың таралуына байланысты карантиндік шектеулерді назарға ала отырып, пленарлық отырыстың өтуі жоспарланбаған.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT