+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Синоптиктер тамыз айында ауа райы қандай болатындығын айтты

2020 жылғы 1 тамыз 17:42
Бөлісіңіз:
Синоптиктер тамыз айында ауа райы қандай болатындығын айтты

НҰР-СҰЛТАН. ҚазАқпарат – Қазгидромет тамыз айына арналған ауа райы болжамын ұсынды, деп хабарлайды ҚазАқпарат.

Ұқсас жаңалықтар
Қазақстанда алдағы үш тәулікте күн райы қандай болады Шілденің соңғы күндері Қазақстанда ауа райы қандай болады Дауылдан зардап шеккен Степноргорск ауылдарында ТЖ режимі енгізілуі мүмкін

Тамыз жаз маусымын аяқтайды. Күннің ұзақтығы тамыз айында солтүстік облыстарда 2 сағатқа, оңтүстік облыстарда 1 сағат 20 минутқа қысқарады. Еліміздің басым бөлігінде орташа айлық ауа температурасы тамыз айында шілде айынан +2+2,5°С, ал оңтүстік облыстарда 1°С төмен. Қазақстанның солтүстігінде орташа айлық ауа температурасы +16+20°С құрайды және оңтүстікке қарай +27+29°С дейін жоғарылайды. Тау бөктеріндегі аудандарда биіктеген сайын ауа температурасы төмендейді +24°С дан (теңіз деңгейінен 450 м биіктікте) 7,5°С дейін ( 3 км биіктікте).

Ауа райының консультативтік болжамына сәйкес жаздың соңғы айында ауа температурасы климаттық норма шамасында күтіледі.

Жауын-шашынның едәуір көп болуы және қатты құрғақшылық, әдетте, тамыз айында сирек кездеседі. 2020 жылғы тамыз айы да басқа жылдардан ерекшеленбейді: жауын-шашын мөлшері республиканың басым бөлігінде норма шамасында, Шығыс Қазақстан облысының солтүстік-батыс бөлігінде, сонымен қатар Алматы облысының тау және тау бөктерлі аудандарында – нормадан көп, Маңғыстау, Қызылорда облыстарында және Ақтөбе облысының оңтүстігінде – нормадан аз болады.

Тамыздың бірінші онкүндігінде тұрақсыз ауа райы циклондармен, атмосфералық фронттармен байланысты болады, олардың өтуі қысқа мерзімді жауын-шашынға, батыс, солтүстік, шығыс және оңтүстік-шығыс аймақтарда күшті жауын-шашын, сондай-ақ желдің күшеюіне әкеледі. Найзағай құбылыстары мен бұршақтың түсуі шілде айына қарағанда аз болады деп күтілуде.

Қазақстан Республикасының басым бөлігінде ауа температурасының жоғары фоны болжанады: түнде +15+25°С шамасында, күндіз +27+37°С, оңтүстікте +40°С дейін жоғарылайды. Тек батыста, шығыста және оңтүстік-шығыс аумақтардың таулы аудандарында, Скандинавия мен Таймыр аудандарынан суық ауа массаларының енуіне байланысты бірінші онкүндіктің ортасында ауа температурасы түнде +10+15°С-қа дейін, күндіз +20+27°С-қа дейін төмендейді.

Екінші және үшінші онкүндіктерде жаңбырлы және салқын күндер ыстық және аз бұлтты күндермен ауысады.

Еліміздің солтүстік жартысында ауа температурасының ауытқуы түнде +12+20°С-тан +7+15°С-қа дейін, күндіз +23+30°С-тан +15+23°С-қа дейін, ал оңтүстік жартысында және батысында түнде +15+23°С-тан +10+18°С-қа дейін күндіз +30+39°С-тан +23+30°С-қа дейін күтіледі.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT