Синоптиктер Қазақстанда 31 шілде күні болатын ауа райы болжамын жариялады

АСТАНА. ҚазАқпарат - Қазақстанның басым бөлігінде 31 шілде жауын-шашынсыз болады. Тек елдің солтүстігі мен шығысында өткінші жауын жауып, найзағай ойнайды. Оңтүстікте жел күшейіп, арты шаңды дауылға ұласады. Күндіз солтүстікте бұршақ жаууы ықтимал. Бұл туралы ҚазАқпарат төтенше жағдайлар саласының мәліметтеріне сүйене отырып хабарлайды.

Түркістан облысы мен таң ата Қызылорда облысының кей жерлерінде жел күшейіп, секундына 15-12 метрге жетеді, артынан шаңды дауыл болады.

Жамбыл облысында жел секундына 15-20 метр жылдамдықпен соғады. Таң ата және күндіз бірқатар аймақтарда бұршақ жаууы ықтимал.

Шығыс Қазақстан, Қарағанды, Солтүстік Қазақстан облыстарында күндіз желдің жылдамдығы секундына 15-20 метрге дейін күшейеді. Түнде және күндіз тұман түседі. Шығыс Қазақстан, Солтүстік Қазақстан облыстарында күндіз найзағай ойнап, бұршақ жаууы ықтимал.

Павлодар облысының кей жерлерінде найзағай ойнап, бұршақ жаууы мүмкін, жел секундына 18 метр жылдамдықпен ұйтқиды.

Қостанай облысының кей жерлерінде тұман түсіп, найзағай ойнайды, желдің жылдамдығы секундына 15-20 метр болады.

Ақмола облысының кей жерлерінде найзағай ойнап, бұршақ жаууы да ықтимал. Батыс Қазақстан облысында күндіз бірқатар аймақтарда желдің жылдамдығы секундына 15-20 метр болады.

Маңғыстау, Атырау, Ақтөбе, Батыс Қазақстан, Қостанай облысының кей жерлерінде және Қарағанды облысында аптап ыстық болады деген болжам бар.

Қызылорда, Түркістан, Ақтөбе облысының кей жерлерінде, Атырау, Батыс Қазақстан, Маңғыстау, Қостанай, Қарағанды, Жамбыл, Алматы облыстарында ерекше өрт қаупі сақталады.