Синоптиктер қай қалаларда ауа сапасы нашарлайтынын болжады

АСТАНА. ҚазАқпарат - 7 мамырда метеорологиялық жағдайлар Қарағанды қаласының атмосферасына ластаушы заттардың шоғырлануына ықпал етеді, деп хабарлайды ҚазАқпарат «Қазгидромет» РМК-ға сілтеме жасай отырып.

Ал Қостанай қаласындағы метеорологиялық жағдайлар атмосферадағы ластаушы заттардың ыдырауына ықпал етеді.

ҚМЖ - атмосфералық ауаның беткі қабатында зиянды (ластаушы) заттардың жиналуына ықпал ететін қысқамерзімді метеорологиялық факторлардың (тымық, жеңіл жел, тұман, инверсия) үйлесімі. ҚМЖ жағдайында елді мекендердегі атмосфералық ауаның сапасы нашарлауы мүмкін.

Ластану деңгейінің қалыптасуын анықтайтын маңызды факторлардың бірі - синоптикалық ахуалға (жел, жауын-шашын, ылғалдылық, ауа температурасы) жасалатын болжам.