Синоптиктер қаңтарда Алматыда ауа райы қандай болатынын айтып берді
Алайда метеорологтар аяздардың 1 аптадай сақталатынын болжап отыр.
«Сібір антициклонының ықпалы Қазақстанның көптеген облыстарында білінеді. Алматы мен Алматы облысында жақын арадағы 3 тәулікте күн ала бұлтты, жауын-шашынсыз болмақ. Ауа температурасы түнде -12,-17 градусқа төмендесе, күндіз -3, -8 градус суық болады. Кей жерлерде тұман мен көктайғақ болады», - деді «Казгидромет» РМК-ның Алматы бойынша бөлімшесінің бас маманы Лариса Степанова.
8 қаңтардан бастап аймақта ауа температурасы көтеріле бастайды.
Ауа температурасы түнде -5, -10 градус болса, күндіз 0, -5 градус шамасында сақталады.
Алматының ауа бассейнінің бірқатар факторларына байланысты қалада ауа райы +1, +2 болады.
Ал қысқы қатты аяздар қарсаңында солтүстік облыстарда түнде -25,-30 градус, күндіз - -20, 25 градус аяз болады. Ал оңтүстікте түнде аяз -17, -22 градусқа жетсе, күндіз - 10, 15 градус суық болады.