19:42, 23 Қаңтар 2023 | GMT +6
Синоптиктер алдағы үш күнде елімізде ауа райы қандай болатынын болжады
АСТАНА. ҚазАқпарат - «Қазгидромет» РМК 24-26 қаңтар аралығына арналған ауа райы болжамын жариялады, деп хабарлайды ҚазАқпарат.
Синоптиктер болжамынша, Қазақстанның басым бөлігінде ауа райын әлі де болса кең солтүстік-батыс антициклон анықтайтындықтан, алдағы күндері жауын-шашынсыз, ашық ауа райы болады.
«Тек республиканың солтүстігінде, шығысында және оңтүстік-шығысында атмосфералық фронтальды бөліктердің өтуіне байланысты қар жауып, жел күшейеді», - делінген хабарламада.
Оңтүстік және оңтүстік-шығыс облыстарда тұман түседі.