+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Синоптиктер 12 өңірде ескерту жариялады

2021 жылғы 3 тамыз 20:55
Бөлісіңіз:
Синоптиктер 12 өңірде ескерту жариялады

НҰР-СҰЛТАН. ҚазАқпарат – «Қазгидромет» РМК ауа райының қолайсыздығына байланысты 4 тамызға бірнеше өңірде ескерту жариялады, деп хабарлайды ҚазАқпарат.

Ұқсас жаңалықтар
Синоптиктер Қазақстан қалаларындағы ауа сапасы туралы айтты Дүйсенбіде жаңбыр жауып арты қарға ұласады, түнде үсік жүреді Ертең Нұр-Сұлтанда топырақ бетінде 3 градус үсік жүреді

Атап айтқанда, Батыс Қазақстан облысының кей жерлерінде найзағай күтіледі. Жел оңтүстік-батыстан, оңтүстіктен соғады, екпіні жекелеген аумақтарда 15-20 м/с. Күндіз 41 градус өте қатты ыстық сақталады. Кей жерлерде төтенше өрт қаупі болады. Орал қаласында күндіз 38 градус қатты ыстық болжанады.

Түркістан облысының кей жерлерінде шаңды дауыл тұрады. Солтүстік-шығыстан соғатын желдің күші – 15-20 м/с. Күндіз 41 градус қатты ыстық күтіледі. Төтенше өрт қаупі сақталады.

Шымкент қаласында күндіз солтүстік-шығыстан жел соғады, екпіні – 15-20 м/с.

Қызылорда облысында күндіз жел солтүстік-шығыстан соғады, күші кей жерлерде 15-20 м/с құрайды. Сондай-ақ шаңды дауыл, 42 градус қатты ыстық күтіледі. Төтенше өрт қаупі сақталады. Қызылорда қаласында шаңды дауыл, 15 м/с екпіндегі жел, 41 градус қатты ыстық болжанады.

Алматы облысында күндіз 36 градус қатты ыстық сақталады. Кей жерлерінде төтенше өрт қаупі болады. Талдықорган қаласында күндіз 36 градус қатты ыстық сақталады.

Шығыс Қазақстан облысының кей жерлерінде найзағай ойнап, солтүстік-батыстан жел соғады, күші кей жерлерде 15-20 м/с құрайды. Үржар ауданында өрттің төтенше жоғары дәрежесі күтіледі.

Қарағанды облысының кей жерлерінде күндіз 35 градус қатты ыстық сақталады. Солтүстіктен жел соғады, күші – 15-20 м/с. Кей жерлерінде өте жоғары өрт қаупі болады. Жезқазған қаласында 35 градус қатты ыстық сақталады.

Павлодар облысының кей жерлерінде найзағай күтіледі, солтүстік-батыстан жел соғады, найзағай кезінде екпіні 18 м/с. Павлодар қаласында күндіз найзағай ойнап, солтүстік-батыстан жел соғады, найзағай кезінде екпіні – 18 м/с.

Қостанай облысының кей жерлерінде күндіз 38 градусқа дейін қатты ыстық сақталады. Облыстың оңтүстігінде төтенше өрт қаупі болжанады.

Солтүстік Қазақстан облысының кей жерлерінде түнде найзағай күтіледі. Түнде және таңертең тұман болады. Солтүстік-батыстан соғатын желдің күші – 15-20 м/с. Петропавл қаласында түнде және таңертең тұман болжанады.

Күндіз Жамбыл облысының таулы және тау бөктерлі аудандарында найзағай, бұршақ күтіледі. Кей жерлерде шаңды дауыл тұрады. Солтүстік-шығыстан жел соғады, күші – 15-20 м/с. Күндіз облыстың басым бөлігінде 40 градусқа дейін қатты ыстық, төтенше өрт қаупі болады. Тараз қаласында күндіз солтүстік-шығыстан жел соғады, екпіні – 15-20 м/с . 38 градусқа дейін қатты ыстық болжанады.

Күндіз 4-5 тамызда Ақтөбе облысының кей жерлерінде 40-41 градус өте қатты ыстық күтіледі. Төтенше өрт қаупі сақталады.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT