Сингапур Президенті Қасым-Жомарт Тоқаевты мемлекеттік сапармен келуге шақырғанын қуаттады
«Истана» президент сарайында өткен салтанатты рәсімнен кейінгі кездесуде қазақстандық дипломат Сингапур көшбасшысына Қазақстан Республикасының Президенті Қасым-Жомарт Тоқаевтың ізгі тілектерін жеткізген.
«Астананың сауда-экономикалық, саяси және мәдени-гуманитарлық салаларды қоса алғанда, кең ауқымды бағыттар бойынша қала-мемлекетпен қатынастарды одан әрі кеңейтуге зор мүдделілігі расталды.
Тараптар екіжақты өзара тиімді әріптестік екі елде болып жатқан терең трансформация процестері, сондай-ақ халықаралық жағдайдың құбылмалылығының артуы аясында ерекше маңызға ие болатынына келісті», - делінген Қазақстан Сыртқы істер министрлігінің мәліметінде.
Сингапур Президенті соңғы сайлауда Президент Қ.Тоқаевтың жеңіске жетуіне орай жылы лебізін білдіріп, қазақстандық әріптесіне Сингапурға мемлекеттік сапармен келуге шақырғанын қуаттады.
Еске салайық, Қасым-Жомарт Тоқаевтың Сингапурға сапары жоспарланып отырғанын бұған дейін жазған болатынбыз.
Фото: gov.kz