+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Симптомсыз науқастар үйден ем алады - Біртанов коронавирусты емдеудің жаңа тәсілін жариялады

2020 жылғы 4 маусым 18:02
Бөлісіңіз:
Симптомсыз науқастар үйден ем алады - Біртанов коронавирусты емдеудің жаңа тәсілін жариялады

НҰР-СҰЛТАН. ҚазАқпарат - Осы аптадан бастап коронавирус симптомы жоқ науқастар стационарлық ауруханаға жатқызылмайды. Олар дәрігерлердің бақылауымен үйлерінде емделеді. Бұл туралы бүгін ҚР Денсаулық сақтау министрі Елжан Біртанов айтты, деп хабарлайды ҚазАқпарат тілшісі.

Ұқсас жаңалықтар
Коронавируспен күресте халықтың мемлекетке сенім деңгейін талдау қажет – сарапшы Даниал Ахметов Өскемен мен Семейде ауыр науқастарға арналған бөлімшелерді ашуды тапсырды Қазақстанда 1 314 адам коронавирус індетінен емделіп шықты

«Бүгінгі күні елімізде коронавирус инфекциясымен 12 124 адам ауырып, тіркеуге алынды. Қазіргі уақытта осы азаматтарға қатысты ақпараттарды толық зерттедік. Олардың 77 пайызы симптомсыз науқастар деп анықталды. Соған қарамастан тіркеуге алынған азаматтарға мемлекет тарапынан толықтай медициналық-диагностикалық көмек тегін көрсетіледі. Бұл медициналық көмек тек қана халықаралық әріптестермен ақылдасқан, ғылыми-зерттеу жұмыстарына негізделген клиникалық хаттама арқылы өткізіледі. Бұл хаттаманы еліміздің ең белгілі медицина мамандары әзірлеп бекіткен», - деді ол Орталық коммуникациялар қызметіндегі брифинг барысында.

Министрдің атап өтуінше, аталған хаттама эпидемия басталғаннан бері 8 редакциялаудан өтті. Оны қолданудың арқасында науқастардың 58 пайызы, яғни 6 288 адам емделіп, ауруханалардан шығарылды.

«Қазіргі күні 5 836 науқас тіркелген, олар медициналық бақылауда. Жақында біз осы ғылыми-зерттеу жұмысымыздың негізінде еліміздегі коронавирусқа қарсы шараларды өзгертіп, жаңа тәсіл енгіздік. Ол халықаралық стандартқа да сай келеді. Біз симптомсыз науқастарды ауруханаға жатқызбай жергілікті емханаларда, үйлерінде, яғни стационарлық карантинге жатқызбай үй карантинінде бақылауға аламыз. Мұндай науқастарды бақылау жауапкершілігі жергілікті емханаларға жүктеледі. Учаскелік дәрігерлер арнайы дайындықтан өткен. Бүгінде ауруы жеңіл деңгейдегі науқастардың көпшілігі инфекциялық ауруханаларда жатыр. Бірақ, осы аптадан бастап жаңа хаттаманы енгіземіз», - деді министр Елжан Біртанов.


Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT