СІМ Грузияда жұмбақ жағдайда қаза тапқан қазақстандық бойжеткен жайлы мәлімет таратты

None
None
НҰР-СҰЛТАН. ҚазАқпарат - Қазақстанның сыртқы істер министрлігі Грузияда жұмбақ жағдайда қаза тапқан қазақстандық бойжеткенге қатысты ресми мәлімет таратты, деп хабарлайды ҚазАқпарат.

«Грузияның құқық қорғау органдары біздің елшілікке берген ақпаратқа сәйкес, биылғы 5 мамырда Тбилиси қаласындағы бір үйдің терезелерінің астынан Қазақстан азаматының денесі табылған. Алдын ала мәлімет бойынша, аталған қыз 9-қабаттан құлап мерт болған» деп мәлім етті Сыртқы істер министрлігі.

Грузия полициясы өзін-өзі өлтіру халіне жеткізу деген күдікпен қылмыстық іс қозғады.

Полиция күдіктіні қамауға алды. Басқа ақпарат тергеу мүддесі үшін жарияланбайды.

«Грузиядағы Қазақстан елшілігінің консулы марқұмның отбасымен үнемі байланыста. Бұл іс елшіліктің ерекше бақылауына алынды. Қазақстанның сыртқы істер министрлігі ел азаматының денесін отанына жеткізуге жан-жақты көмек көрсетіп жатыр» делінген хабарламада.

Еске сала кетейік, бұған дейін бірқатар қазақстандық БАҚ қазақстандық бойжеткеннің Грузияда кенеттен көз жұмғанын хабарлаған болатын.



Соңғы жаңалықтар