+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

СІМ басшысы Қайрат Әбдірахмановтың ЕҚЫҰ Жоғарғы комиссары лауазымына сайлануына қатысты пікір білдірді

2020 жылғы 4 желтоқсан 19:37
Бөлісіңіз:
СІМ басшысы Қайрат Әбдірахмановтың ЕҚЫҰ Жоғарғы комиссары лауазымына сайлануына қатысты пікір білдірді

НҰР-СҰЛТАН. ҚазАқпарат – ҚР Сыртқы істер министрі Мұхтар Тілеуберді Қайрат Әбдірахмановтың Еуропадағы Қауіпсіздік және Ынтымақтастық Ұйымының Жоғарғы комиссары лауазымына сайлануына қатысты пікір білдірді, деп хабарлайды ҚазАқпарат тілшісі.

Ұқсас жаңалықтар
Павлодар облысының Ақсу қаласына жаңа әкім тағайындалды «Nur Otan» партиясының Қоғамдық саясат институтының директоры тағайындалды Талғат Момышев ҚР Энергетика министрлігі аппаратының басшысы болып тағайындалды

«3-4 желтоқсан күндері онлайн форматта Еуропадағы Қауіпсіздік және Ынтымақтастық Ұйымының Сыртқы істер министрлерінің 27-ші отырысы болып өтті. Ол жиында ұйымға қатысушы елдер оның мандатына қатысты маңызды мәселелерді талқылады. Өздеріңіз білетіндей, 2020 жыл ЕҚЫҰ үшін оңай болған жоқ. Себебі кейінгі жылдары бұл ұйым басшысыз жұмыс істеп келді. Атап айтқанда шілдеде төрт басшының бәрі бірдей өз мандаттарынан айырылған болатын. Біз бұл кезеңге институционалдық дағдарыс ретінде қарадық. Бүгін бұл мәселе шешімін тауып, консенсус орнап, жаңа басшылар сайланды», - деді Мұхтар Тілеуберді СІМ-нің баспасөз мәслихатында.

Оның айтуынша бұл тарихи оқиға, өйткені Венадан бастап Шығысқа қарай, яғни ТМД мен Орталық Азиядағы елдердің ішінен бұл ұйымның басшылығына ешкім бармаған.

«Бұл тұрғыда Қазақстан ұлттық азшылықтар істері жөніндегі Жоғарғы комиссар лауазымына тәжірибелі қазақстандық дипломат, біздің елдің Швеция мен Даниядағы елшісі Қайрат Құдайбергенұлы Әбдірахмановты ұсыну туралы шешім қабылдады. Қайрат Әбдірахмановтың ұсынылуын ЕҚЫҰ-ға мүше мемлекеттер жылы қабылдады. Осылайша Қазақстан біздің кандидатура бойынша үлкен қолдауға ие болды», - деп атап өтті министр.

Мұхтар Тілеуберді қазақстандық үміткердің бұл орынға келуін Қазақстанның әлемдегі және ұйымның өз ішіндегі абыройымен байланыстырады.

«Қазақстанның өзі де бір уақытта аталмыш ұйымға төрағалық етіп, біздің елдің астанасында саммит өткізген болатын», - дейді ол.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT