+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

СІМ: АҚШ және Германиядағы Қазақстан азаматтары жаңа паспортты 30 күнде алады

2021 жылғы 20 қазан 15:57
Бөлісіңіз:
СІМ: АҚШ және Германиядағы Қазақстан азаматтары жаңа паспортты 30 күнде алады

НҰР-СҰЛТАН. ҚазАқпарат – Сыртқы істер министрлігі мен Ішкі істер министрлігі Қазақстан азаматтарына паспортты ресімдеу мерзімдерін қысқарту бойынша «пилоттық жобаны» жүзеге асырып жатыр, деп хабарлайды ҚазАқпарат СІМ сайтына сілтеме жасап.

Ведомство шет елдерде мемлекеттік қызмет көрсету процесін оңтайландыру шеңберінде, әсіресе COVID-19 пандемиясына байланысты жағдайда, қызмет көрсетудің мерзімдерін қысқартуға ерекше көңіл бөліп отыр.

«Қазіргі уақытта СІМ мен ІІМ Германия аумағында тұрып жатқан Қазақстан азаматтарына паспортты ресімдеу мерзімдерін қысқарту бойынша «пилоттық жобаны» жүзеге асыруда. Бұдан бұрын мемлекеттік қызмет көрсетудің мерзімі 80 күн болса, ендігіде мемлекеттік органдардың бірлескен іс-қимылы арқасында қызмет көрсетудің мерзімі 30 күнге дейін қысқарды», делінген хабарламада.

Министрліктің мәлімдеуінше, бүгінде Қазақстанның Германиядағы шетелдік мекемелері арқылы өтініш білдірген 33 азамат паспортын жаңадан бекітілген мерзім ішінде алды.

Айта кететіні, «пилоттық жоба» Ресейдегі ҚР Елшілігінде және АҚШ-тағы ҚР шетелдік мекемелерінде сәтті жүзеге асырылып келеді. Паспорт ресімдеу мерзімін қысқартуды көздейтін елдердің тізімін кеңейту жалғасады.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT