Сильвестр Сталлоне бүгін 70 жасқа толды

АСТАНА. ҚазАқпарат - Танымал американдық актер Сильвестр Сталлоне бүгін 70 жасқа толды. Оның мерейтойын қайда өткізетіндігі әзірше белгісіз болып отыр.

Сильвестр Сталлоне 1946 жылы Нью-Йоркте дүниеге келген. Ол алғаш рет 1970 жылы  "Итальянский жеребец" фильміне түскен. Ол кезде өз ролі үшін небәрі 200 доллар ғана алған болатын. Соңынан осы фильмнің нұсқасы аукционда 270 мың ағылшын фунтына сатылды. Кейінірек актердің гонорары 20 миллион долларға жетті.

Ол  жұртшылыққа "Рокки", "Рэмбо", "Разрушитель"  және  "Неудержимые" фильмдері арқылы кеңінен танымал.