Қолданушы баптаулары
Қолданушы баптаулары
+7 (701) 759 90 19 Лента
USD 364.35 EUR 419.95
RUB 5.56 CNY 52.52
Жаңалықтар

«Сиқырлы кілт» қазақстандық мультфильмінің тұсауы кесілді

2018 жылғы 14 маусым 11:04 883
Бөлісіңіз:

ҚЫЗЫЛОРДА. ҚазАқпарат - «Қазақстанның 100 жаңа есімі» жобасының жеңімпазы Сымбат Әбдірахманова «Сиқырлы кілт» танымдық-фантастикалық мультфильмін жасап шығарды. «Жібек жолы» ойын-сауық орталығында аталмыш туындының тұсауы кесіліп, көрермен  назарына ұсынылды, деп хабарлайды ҚазАқпарат тілшісі.

«Сиқырлы кілт» мультфильмі Қызылорданың 200 жылдық мерейтойына арналып әзірленген. Анимациялық туынды қаланың тарихы мен көрікті жерлерінен сыр шертеді. Онда бүлдіршіндер Сыр елінде дүниеге келген атақты тұлғалардың өмірі мен қызметінен мол мағлұмат ала алады. Осылайша мульфильмді әзірлеген мамандар балаларға туған өлкенің ерекшеліктерін айрықша тәсілмен жеткізеді.

«Сиқырлы кілт» мультфильмін эфирге әзірлеуге автордың 6 ай уақыты кеткен. Жұмыс процесіне тарихшылар мен үздік педагогтар да тартылған. Танымал әртістер туынды кейіпкерлерін дыбыстап, өз образдарын сәтті орындап шыққан.

«Мультфильмді өлкетану бағытындағы әрбір сабақта пайдалануға болады. «Bilim Foundation» қоғамдық қоры демеушілік жасап, біздің бастамамызға қолдау білдірді. Бұрын біз қысқа қазақша мультфильмдерді жасап келген болатынбыз. «Сиқырлы кілт» - бұл толықметражды тақырыптық дүние болып шықты. Көрермендердің көңілінен шыққанына қуаныштымыз. Алдағы уақытта да ауқымды жоспарларымыз бар», - деді анимациялық фильмнің авторы Сымбат Әбдірахманова.

 

 

 

 

Біздің каналымызға жазылыңыз:

Бөлісіңіз:

Автор:

Айнұр Төлешова

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Жомартова Гульнар
Жомартова Гульнар
954-059
Редактор
Кожакелдиев Е.
Кожакелдиев Е.
954-059
Мұрағат