+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Сібірдегі өрт Қазақстан үшін қауіпті ме

2019 жылғы 30 шілде 16:48
Бөлісіңіз:
Сібірдегі өрт Қазақстан үшін қауіпті ме

НҰР-СҰЛТАН. ҚазАқпарат –ҚР ІІМ Төтенше жағдайлар комитетінің төрағасы Владимир Беккер Ресейдің Сібір аумағындағы өрттің таралуы Қазақстанға қауіп тудырмайтынын мәлім етті, деп хабарлайды ҚазАқпарат тілшісі.

Ұқсас жаңалықтар

«Бұл өрт бізге қатер тудырмайды. Төтенше жағдайлардың үйлестірушісі ретінде барлық өртке қатысты мәселені бақылауда ұстауға және дер кезінде көмек көрсетуге тырысамыз», - деді В. Беккер.

Оның пайымынша, ел аумағы үлкен болғандықтан тілсіз жаумен күрес ресейлік құтқарушылар үшін қиынға соғып тұр.

«Біз өртті бастапқы кезеңде өшіруге бар күш-жігерімізді салып келеміз. Өкінішке қарай, Ресейде табиғи өрттер проблемасы бар. Өйткені бұл елдің аумағы өте үлкен. Сонымен қатар, біздегі сияқты РФ-те елді мекендер арақашықтығы тым алшақ. Ресейліктер өрт ошақтары анықталған жағдайда бізге хабар береді. Бұл шаралар өртке уақытылы әрекет ету үшін жасалады», - деді ол.

Еске сала кетсек, бұған дейін елорданы басқан түтін Ресейдегі орман өрттерінен келіп жатқанын хабарлаған болатынбыз.

25 шілдедегі мәлімет бойынша, Ресейдің Краснояр өлкесі мен Иркутск облысында өртке оранған орман алқабының аумағы миллион гектарды құрады.

Бүгін Нұр-Сұлтан қалалық Тауарлар мен қызметтердің сапасын және қауіпсіздігін бақылау департаментінің басшысы Сәдуақас Байғабылов Сібірдегі орман өртінің түтіні елордаға қайта келетінін, бірақ оған алаңдауға еш негіз жоқтығын мәлім еткен болатын.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT