+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

ШЫҰ Үкімет басшыларының отырысы алғаш рет Үндістанда өтеді

2020 жылғы 15 қаңтар 22:45
Бөлісіңіз:
ШЫҰ Үкімет басшыларының отырысы алғаш рет Үндістанда өтеді

БЕЙЖІҢ. ҚазАқпарат – Шанхай ынтымақтастығы ұйымына (ШЫҰ) мүше елдердің Үкімет басшыларының отырысы биылғы күзде алғаш рет Үндістанда өтеді. Бұл туралы бүгін Нью-Делиде өткен «Райсин диалогы» халықаралық конференциясында ШЫҰ-ның Бас хатшысы Владимир Норов мәлім етті, деп хабарлайды «ҚазАқпарат» ХАА меншікті тілшісі.

«Биыл Үндістан ШЫҰ-ның маңыздылығы жөнінен екінші орындағы – Үкіметтер басшылары кеңесіне төрағалық етеді. Оның келесі отырысы Үндістанда күзде өтеді», - деді В.Норов.

Бұл ретте Бас хатшы Үкіметтер басшыларының отырысы алдында министрліктердің және сарапшылардың кездесулері өтетінін мәлім етті. Сондай-ақ Үндістанда Экономикалық мәселелер жөніндегі сараптамалық орталықтар консорциумының бірінші отырысын ұйымдастыру жоспарланған.

ШЫҰ-ны құру жөніндегі декларацияға 2001 жылдың маусымында Шанхайда алты мемлекет: Қазақстан, Қырғызстан, Қытай, Ресей, Тәжікстан және Өзбекстан қол қойды. 2017 жылы Қазақстан астанасында ұйымға мүше мемлекет статусын Үндістан мен Пәкістан алды.

Бүгінде ШЫҰ-ға ену туралы (бақылаушы/ диалог бойынша серіктес) ұсыныс 12 елден түсті. Олар - Бангладеш, Сауд Арабиясы, Сирия, Мысыр, Израиль, Мальдив аралдары, Украина, Ирак, Вьетнам, Бахрейн, Катар және БАӘ.


Біздің каналымызға жазылыңыз:

Бөлісіңіз:

Автор:

Мира Төлендіқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT