07:50, 14 Маусым 2019 | GMT +6
ШЫҰ-ға мүше мемлекет басшыларына гала-концерт ұйымдастырылды
НҰР-СҰЛТАН. ҚазАқпарат - Шанхай ынтымақтастық ұйымы ХІХ саммиті аясында Бішкекте гала-концерт те ұйымдастырылды, деп хабарлайды «Хабар 24».
Салтанатты кеш Сатылғанов атындағы қырғыз ұлттық филармониясында өтті.
Концертті ұйымға мүше елдердің басшылары да тамашалады. Яғни мәртебелі меймандар арасында президент Қасым-Жомарт Тоқаев та болды.
Саммит қонақтарының назарына қырғыз халқының көне және заманауи өнер туындылары ұсынылды. Сондай-ақ өзге елдердің арнайы музыкалық қойылымдары көрсетілді. Мәселен, Қазақстанның еңбек сіңірген әртісі Майра Мұхамедқызы «Гүлдерайым» әнін орындап, көпшіліктің ыстық ықыласына бөленді.