Шыңжаңда құс тұмауынан жабайы аққулар қырылып қалды

БЕЙЖІҢ. Синьхуа-ҚазАқпарат - Қытайдың Шыңжаң-Ұйғыр автономиялық өлкесінде (ШҰАӨ) жабайы аққулар құс тұмауын жұқтырды, деп хабарлайды ҚазАқпарат Синьхуа агенттігіне сілтеме жасап.

ҚХР Жануарлар ауруларын бақылау орталығының мәліметінше, Құлжа ауданы аумағын мекендеген жабайы аққулардың 15-і H5N6 құс тұмауының жоғары патогенді вирусы салдарынан қырылған.

Жергілікті құзырлы органдардың айтуынша, ол аумақта жалпы саны 150-ге жуық жабайы аққу мекендейді. Құс тұмауы індеті анықталғаннан кейін, қырылған аққулар залалсыздандырылып, аумаққа дезинфекция жасалған.