+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Шыңжанда 100 күннен бері ешкім коронавирус жұқтырған жоқ

2020 жылғы 1 маусым 18:53
Бөлісіңіз:
Шыңжанда 100 күннен бері ешкім коронавирус жұқтырған жоқ

БЕЙЖІҢ. ҚазАқпарат – Қытайдың Шыңжан-Ұйғыр автономиялық өлкесінде (ШҰАӨ) 100 күннен бері коронавирус жұқтыру оқиғасы тіркелген жоқ, деп хабарлайды ҚазАқпараттың меншікті тілшісі жергілікті Денсаулық сақтау және гигиена істері комитетіне сілтеме жасап.

Ұқсас жаңалықтар
Түркияда коронавирус жұқтырғандар саны 200 мыңнан асты

«2020 жылдың 31 мамыр 00:00 уақытына сәйкес, Шыңжан-Ұйғыр автономиялық өлкесінде (Шыңжан өндірістік-құрылыс корпусын қосқанда) жаңа індет жұқтыру оқиғасы анықталған жоқ және тіркелмегеніне 104 күн болды» делінген комитет хабарламасында.

Айта кетсек, Шыңжан-Ұйғыр автономиялық өлкесінде ең алғаш коронавирус жұқтырған адам 23 қаңтарда тіркелді. Шыңжанда жалпы инфекция жұқтырғандар саны 76 адамға жетіп, оның үшеуі қайтыс болды.

«Өткен тәулікте құрлықтық Қытайда коронавирус жұқтырудың 16 жаңа фактісі тіркелді (барлығы сырттан келген, Сычуаньда – 11, Гуандунда – 2, Ішкі Моңғолия автономиялық өлкесінде – 3)» делінген ҚХР Денсаулық сақтау және гигиена істері мемлекеттік комитетінің күн сайынғы есебінде.

Қытайдың медициналық мекемелерінде коронавирус жұқтырған 76 адам жатыр, өткен тәулікте 3 науқас емделіп шықты. Қайтыс болғандар тіркелген жоқ.

Сәуір басталғалы Қытайда COVID-19 жұқтырған, бірақ аурудың ешқандай белгілері жоқ адамдарға бөлек статистика жүргізіледі. Өткен тәулікте вирус жұқтырған 16 адамда аурудың ешқандай белгілері болмаған. Қазіргі күні мұндай 397 науқас медицина қызметкерлерінің бақылауында.

Эпидемия басталған уақыттан бері құрлықтық Қытайда COVID-19 жұқтырғандардың жалпы саны 83 017 адамға жетті, 78 307 науқас емделіп, ауруханадан шығарылса, 4634 адам қайтыс болды.


Автор: Руслан Сүлейменов


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059

MURAǴAT