Қолданушы баптаулары
Қолданушы баптаулары
+7 (701) 759 90 19 Лента
USD 383.69 EUR 429.08
RUB 5.97 CNY 55.39
Jańalyqtar

Шымкенттік кардиологтар ресейлік дәрігерлермен тәжірибе алмасты

2019 жылғы 26 мамыр 05:19 654
Бөлісіңіз:
Шымкенттік кардиологтар ресейлік дәрігерлермен тәжірибе алмасты

ШЫМКЕНТ. ҚазАқпарат - Шымкенттегі кардиологиялық орталықтың мамандары ресейлік дәрігерлермен тәжірибе алмасты, деп хабарлайды ҚазАқпарат тілшісі.

Ұқсас жаңалықтар
2020 жылдан бастап МӘМС жүйесімен халықтың 94,5 пайызын қамту жоспарлануда - министр Үкімет басшысы: Әрбір азамат МӘМС жүйесінің қалай жұмыс істейтінін нақты білуі тиіс

Аталған орталықта Ресейдің Самара қаласы мемлекеттік медициналық университетінің сәулелі және ультрадыбыстық диагностика кафедрасының доценті, медицина ғылымының кандидаты Ольга Терешина «Функционалдық диагностика мәселелері» атты халықаралық шеберлік сабағын өткізді.

Семинарда жергілікті мамандар шетелдік маманмен диагностикалаудың заманауи әдістерін жасауда тәжірибе алмасты.

«Емдеудің нәтижелі болуы - диагностиканы дұрыс қоюға байланысты. Өйткені, ауруды ерте анықтағанда онымен күресу әлдеқайда жеңіл. Техника күн сайын дамып жатқандықтан, мамандар жаңа құрылғылармен жұмыс жасауды жылдам меңгеруі тиіс. Шымкенттік дәрігерлермен шеберлік сабақта жаңа технологиялармен жұмыс істеудің тың әдістерімен бөлістік», - деді Ольга Терешина.


Шымкенттік кардиологтар ресейлік дәрігерлермен тәжірибе алмастыШымкенттік дәрігерлердің айтуынша, қаладағы медициналық ұйымдар соңғы үлгідегі диагностикалық құрылғылармен жабдықталған. Әрі білікті мамандар да жетерлік.

«Қаладағы 5 емханада, қалалық диагностикалық орталықта және аудандарда 26 стационарларда жүрекке диагностика жасайтын УДЗ құрылғылар орнатылған. Жүректі диагностикалау жылдан жылға жаңарып отырғандықтан, мамандардың біліктілігін артырып отыру қажет. Мамандар бұрын Нұр-Сұлтан, Алматы қалаларында ұлттық орталықтарда біліктілік арттырса, енді ресейлік мамандарды өзімізге шақыртып отырмыз», - дейді Кардиологиялық орталықтың бас дәрігерінің орынбасары Г.Шекербекова.

Жуырда аталған орталыққа эксперт класының ультрадыбыстық диагностикалық құрылғысы жеткізілмек. Мамандар бұл құрылғының 3D, 4D режимде көруге мүмкіншілік беретінін айтады. 

 

 

Біздің каналымызға жазылыңыз:

Басты сөздер: Шымкент, Медицина, Ресей,
Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT