Шымкенттік дәрігерлер өзбекстандық әріптестерімен тәжірибе алмасады

ШЫМКЕНТ. ҚазАқпарат – Шымкенттік дәрігерлер өзбекстандық әріптестерімен тәжірибе алмасуға уағдаласты. Қаланың Денсаулық сақтау басқармасы басшысы Асхан Байдувалиев пен Самарқанд облысының Денсаулық сақтау басқармасының басшысы Давранбек Жуманиязов екі жақты мемморандумға қол қойды, деп хабарлайды ҚазАқпарат тілшісі.

Ұқсас жаңалықтар

СҚО-да биыл 2,4 млрд теңгеге жаңа медициналық қондырғы алынады

Министрлік медициналық сақтандыруға қатысты фейк ақпаратқа сенбеуге шақырды Қытайдағы дәстүрлі қазақ медицинасы үлкен сұранысқа ие: қазақы етікпен емдеу, киіз үй үлгісіндегі тігіс Қарағанды облысында денсаулық сақтау саласын қаржыландыру ұлғайтылады

Аталған құжатқа сәйкес, Қазақстан мен Өзбекстанның Денсаулық сақтау жүйелері арасындағы ынтымақтастық күшейіп, медициналық ұйымдар арасындағы өзара іс-қимыл жасалады. Екі елдің азаматтарына медициналық көмек көрсетудің қолжетімділігі мен сапасын қамтамасыз ету жақсарады. Ең бастысы, мегаполис дәрігерлері біліктіліктерін арттырып, тәжірбие алмасатын болады.

Айта кетейік, меморандум Қазақстанның Өзбекстандағы медицина күндері аясында түзілді . Ауқымды шара аясында сондай-ақ, шетелдік медициналық ұйымдар мен жоғары оқу орындары арасында келісім жасалды. Көрші елдегі Қазақстанның медицинасы күндері екі күнге жалғасады деп күтілуде. Ташкент қаласында өтіп жатқан ауқымды шараға Шымкент қаласынан денсаулық сақтау басқармасының басшысы А. Байдувалиев бастаған бір топ делегат қатысуда.