Шымкенттік дәрігерлер балалар үйінің тәрбиеленушілеріне тосынсый жасады

None
None
ШЫМКЕНТ. ҚазАқпарат - Шымкенттік дәрігерлер Төлеби ауданындағы балалар үйіне барып, ондағы жеткіншектерге тосынсый жасап қайтты. Ата-анасының қамқорлығынсыз қалған және тумасынан ауыр дертке шалдыққан балаларға түрлі сый-сияпаттар табыс етті, деп хабарлайды ҚазАқпарат тілшісі.

Т.Орынбаев атындағы гипербарилық оксигенация орталығының бас дәрігері Мадина Ермаханбетова бастаған бір топ дәрігерлер қайырымдылық шарасы аясында 200-ден аса баланы жинап, мерекелік концерт ұйымдастырды.

Онда медицина мамандарымен бірген барған цирк әртістері де өнер көрсетті. Сондай-ақ балаларға арнап мерекелік дастархан жайылып, мүмкіндігі шектеулі балаларға бағалы сыйлықтар табыс етілді.

Айта кетейік, Тасарық ауылындағы балалар үйінде жетім және сал ауруына шалдыққан балалар тәрбиеленеді. Мұнда оларға арнайы емдеу, оңалту шаралары жасалады.

Соңғы жаңалықтар