+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Шымкенттегі технопаркте болған кісі өліміне байланысты қылмыстық іс қозғалды

2021 жылғы 23 қыркүйек 18:40
Бөлісіңіз:
Шымкенттегі технопаркте болған кісі өліміне байланысты қылмыстық іс қозғалды

ШЫМКЕНТ. ҚазАқпарат – Шымкенттегі «Қиял әлемі» технопаркінде 55 жастағы ер адамның өліміне байланысты қылмыстық іс қозғалды. Бұл туралы қалалық Полиция департаментінің баспасөз қызметі мәлімет таратты, деп хабарлайды ҚазАқпарат тілшісі.

«Шымкент қалалық Әл-Фараби ауданының Полиция басқармасымен «Қиял әлемі» саябағында 1966 жылғы азамат атракционға отырып, қайтыс болғандығы бойынша тергеп-тексеру амалдары жүргізілуде. Бастапқы медициналық анықтамаға сәйкес, жүрегі тоқтап қалған болуы мүмкін. Қазіргі таңда сот-медициналық сараптамасы тағайындалды» делінген қалалық Полиция департаментінің хабарламасында.

Айта кетейік, қайғылы оқиға 22 қыркүйекте кешкі сағат тоғыз шамасында орын алған еді. «Қиял әлемі» технопаркінде ер адам «Балға» аттракционына мінген кезінде есінен танған. Оқиға орнына жедел жәрдем келгенімен дәрігерлер ер адамды құтқарып қала алмады.

Бұл «Қиял әлемі» технопаркінде болған алғашқы оқиға емес. Осы жылдың мамыр айында 17 жастағы жасөспірім оқыс оқиғадан қаза тапқан болатын. Жас жігіт аттракционның металл конструкцияларына көтерілгенде, құлап түскен еді. Ол жедел жәрдем келгенше қайтыс болған.


Біздің каналымызға жазылыңыз:

Бөлісіңіз:

Автор:

Айнұр Ақбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT