Шымкенттегі Қошқарата өзенінен шарананың мәйіті табылды

ШЫМКЕНТ. ҚазАқпарат - Шымкентте қаланың тазалығымен айналысатын жұмысшылар Қошқарата өзенінен шарананың мәйітін тауып алды. Қоқыстың арасынан шыққан қыз баланың мәйіті екені анықталды, деп хабарлайды ҚазАқпарат тілшісі.

Облыстық ішкі істер департаменті баспасөз қызметінің жетекшісі Салтанат Қаракөзованың сөзінше, сарапшылар шараның шамамен 5 айлық екенін анықтаған. Бойы 36 см болса, салмағы 690 грамды құраған. Мәйітті қарау барысында ешқандай зорлық-зомбылық белгілері табылмапты. Дегенмен Әл-Фараби аудандық ішкі істер қызметкерлері осы жәйтке қатысты қылмыстық іс қозғап, тергеу амалдарын жүргізуде. Алдын ала оны түсік тастаған әйел әдейі суға лақтырып кетуі мүмкін деген де болжам жасалуда.