+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Шымкентте жергілікті билік пен қала тұрғындары арасында кері байланыс орнаған

2019 жылғы 25 желтоқсан 21:46
Бөлісіңіз:
Шымкентте жергілікті билік пен қала тұрғындары арасында кері байланыс орнаған

ШЫМКЕНТ. ҚазАқпарат – Шымкентте жергілікті билік пен қала тұрғындары арасында кері байланыс орнаған. Мәселен, қала әкімі Ерлан Айтаханов халықпен кері байланысты күшейтуі үшін 32 рет жеке қабылдау өткізіп, 354 азаматтың арыз-шағымына жауаптар берген, деп хабарлайды ҚазАқпарат тілшісі.

Ұқсас жаңалықтар
Бердібек Сапарбаев: Елімізде 12 млн шаршы метр тұрғын үй пайдалануға беріледі Үкіметтің жұмыс тобы Маңғыстау облысының тұрғындарымен кездеседі Шымкентте пиротехникалық заттарды сату және сақтау тәртібіне бақылау жүргізу мәселелері талқыланды

Шаһар басшысының айтуынша, жеке қабылдауда болған азаматтардың көтерген 338 мәселесіне түсіндірме берілген. Сондай-ақ, 16 шағым қанағаттандырылған.

«Президентіміз Қасым-Жомарт Кемелұлының Жолдауында айтылған «Халық үніне құлақ асатын мемлекет» тұжырымдамасын іске асыру мақсатында «Ашық әкімдік» құрылды. Осы жоба аясында әрі халықпен тығыз байланыс орнату мақсатында орынбасарларым 1 111 азаматты қабылдады. Сонымен қатар, қаладағы аудан әкімдері жеке қабылдауды күнделікті жүргізеді. Мәселен, 11 айда 298 - рет жеке қабылдау өткізіліп, 883 азамат жеке қабылдауда болды»,- дейді Ерлан Айтаханов.

Қала басшысы журналистермен кездесуде сондай-ақ, келер жылы әлемдік екінші ұстаз атанған ұлы бабамыз Әбу Насыр Әл-Фарабидің 1150 жылдығы атап өтілетіні жеткізді.

«Ел Президенті арнайы Жарлық шығарды. Бүкіл Қазақстанда тиісті іс-шаралар өтеді. Әлемдік деңгейде де баса назар аударылмақшы. Елбасының «Болашаққа бағдар: рухани жаңғыру» атты бастамасын іске асыру мақсатында Әл-Фараби бабамыздың «Қайырымды қала тұрғындары» атты атақты еңбегіне сүйене отырып, Шымкент шаһарына «Қайырымды қала» деген балама атау ұсындым. Оны қала тұрғындары ерекше ықыласпен қолдады. Қазіргі таңда, қалада пилоттық режимде «MMEYIRIM.KZ қайырымдылық электронды порталы жұмысын жасауда. Порталдың негізгі мақсаты - аз қамтылған отбасыларға ашық және біріңғай әлеуметтік көмектер ұйымдастыру болдып отыр»,- деді Ерлан Айтаханов.

Айта кетейік, бүгінгі таңда портал арқылы 1246 отбасыға азық-түлік, тұрмыстық қажеттілік заттарымен көмек көрсетілген. Демеушілердің есебінен жалғыз басты және көпбалалы аналарға 45 пәтер берілген. Сонымен қатар, қалада 244 қайырымдылық іс-шара өткізіліп, 5 519 жағдайы төмен отбасыға азық-түлік, киім-кешек, гигиеналық заттар мен көмір тағы басқада қаржылай көмектер көрсетілген.

Біздің каналымызға жазылыңыз:

Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT