Қолданушы баптаулары
Қолданушы баптаулары
+7 (701) 759 90 19 Лента
USD 379.19 EUR 426.63
RUB 5.92 CNY 56.54
Jańalyqtar

Шымкентте жас келіншекті тірідей көміп тастаған тұрғындар сотталды

2018 жылғы 11 желтоқсан 12:04 772
Бөлісіңіз:
Шымкентте жас келіншекті тірідей көміп тастаған тұрғындар сотталды

ШЫМКЕНТ. ҚазАқпарат - Шымкентте жас келіншекті тірідей көміп тастаған тұрғындар сотталды. Қалалық қылмыстық істер жөніндегі мамандандырылған ауданаралық соты айыпталушының бірін 15 жылға бас бостандығынан айырды, деп хабарлайды ҚазАқпарат тілшісі.

Ұқсас жаңалықтар
Түркістан облысында пәтерлерді тонаумен айналысқан күдікті ұсталды Семейде әскери қызметкер күйеу баласын пышақтаған

Жұрттың жағасын ұстатқан қылмыстық оқиға ағымдағы жылдың наурыз айында Шымкенттің іргесіндегі Қайнарбұлақ саяжайында болған еді. Танысының туған күнін тойлауға келген бір топ жігіттер сол отырыста танысқан бір келіншекті далада әбден ұрып-соққан. Тіпті денесін өртеп, қылмыстарын жасырмақ ниетпен оны тірідей жерге көміп тастаған. Артынша араға бір апта салып, қылмыскердің бірі өз еркімен полицияға келген. Болған жәйттің бәрін айтып, сыбайластарын да ұстап берген.

«Жанар жағармай бекетінен 5 литр бензин алып, әйелдің үстіне құяды. Сіріңкемен жандырып, ізінше сөніп қалады. Осы іс бойынша жасалған сот медициналық сараптамаға сәйкес, әйелдің басынан таспен ұрған кезде де, оған от жаққан кезде де және пышақпен ұрып жатқан кезде де ол әлі тірі болған»,- дейді судья Әбинұр Қарабаев.

Қылмыстық істі жан-жақты зерделеген мамандандырылған ауданаралық соты бес айыпталушының бірін он бес жылға бас бостандығынан айырды. Оның үш сыбайласын жасаған іс әрекеттеріне сәйкес, бір жылдан үш жылға дейін бас бостандығынан шектеуге үкім шығарды. Ал, басты күдікті ретінде танылған ер адам әлі күнге іздеуде жүр.

 

Біздің каналымызға жазылыңыз:

Басты сөздер: Қылмыспен күрес, Сот, Заң,
Бөлісіңіз:

Автор:

Айнұр Ақбаева

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT