Шымкентте түркиялық Гази университетінің филиалы ашылды

ШЫМКЕНТ. ҚазАқпарат - Мемлекет басшысы Қасым-Жомарт Тоқаевтың елімізде әлемнің жетекші жоғары оқу орындарының филиалын ашу туралы тапсырмасына сәйкес Оңтүстік Қазақстан мемлекеттік педагогикалық университетінде Түркияның Гази университетінің филиалы ашылды, деп хабарлайды ҚазАқпарат.

Ғылым және жоғары білім университетінің мәліметінше, бұл еліміздегі жоғары білім саласын әртараптандыруға жол ашады.

Оңтүстік Қазақстан мемлекеттік университетінің ректоры Гүлжан Сүгірбаева, сондай-ақ Гази университетінің ректоры Мусой Йылдыз және Анкара университетінің ректоры Наджет Унувармен академиялық ұтқырлық аясындағы өзара байланысты нығайту, ғылыми практикалық тәжірибе алмасу туралы меморандумға қол қойды.

Университет ректоры Наджет Унуварға «ОҚМПУ профессоры» атағын табыстады. Құрметті қонақтар университеттің материалдық техникалық жағдайымен танысып, аллеяға ағаш отырғызды.