+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Шымкентте Тәуелсіздік күні қарсаңында қайырымдылық шарасы өтті

2019 жылғы 12 желтоқсан 14:38
Бөлісіңіз:
Шымкентте Тәуелсіздік күні қарсаңында қайырымдылық шарасы өтті

ШЫМКЕНТ. ҚазАқпарат – Шымкенттік бас дәрігер Мәдина Ермаханбетова тұл жетім және әлеуметтік жағдайы төмен отбасылардың балаларына арнап қайырымдылық шарасын өткізді. Медицина қызметкері жеткіншектерге мерекелік дастархан жайып, ата-аналарына азық-түлік таратты, деп хабарлайды ҚазАқпарат тілшісі.

Кездесуде Мадина Ермағанбетова балаларды 16 желтоқсан – Қазақстан Республикасының Тәуелсіздік күнімен құттықтап, өткізілген шараның мақсаты балаларға қуаныш сыйлау екенін жеткізді. Бүлдіршіндерге алдағы уақытта сәттілік тілеп, жылы лебізін білдірді. Оларға түрлі сыйлықтар үлестірді.

«Балаларымызға қамқорлық көрсетіп, олардың бойына мейірімділік, қайырымдылық ұғымдарын қалыптастырғымыз келді. Жеткіншектерді кішіпейілділікке, бауырмалдыққа баулуға үлес қосуды мақсат тұттық»,- дейді Мадина Ермағанбетова.

Акцияға арнайы келген «Оңтүстік цирк» ұжымы да балалардың көңіл-күйін көтеруге арналған дамытушылық ойындарын ойнатып, іс-шараның көркін қыздырды.

Айта кетейік, қалалық гипербариялық оттектеу орталығының бас дәрігері Мадина Ермағанбетованың бастасымен Тәуелсіздік күніне орай балаларға арналған қайырымдылық акциясы жыл сайын ұйымдастыралып келеді.

Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT