+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Шымкентте спиртті ішімдік дайындайтын 4 астыртын цех анықталды

2021 жылғы 24 маусым 01:53
Бөлісіңіз:
Шымкентте спиртті ішімдік дайындайтын 4 астыртын цех анықталды

НҰР-СҰЛТАН. ҚазАқпарат – Шымкентте қолдан спиртті ішімдік дайындайтын 4 астыртын цех анықталды, деп хабарлайды ҚазАқпарат Қаржылық мониторинг агенттігінің баспасөз қызметіне сілтеме жасап.

«Алкоголь өнімдерін қолдан жасаудың салдары мемлекетке орасан зор экономикалық зиян келтіріп қана қоймай, адам денсаулығына елеулі қауіп төндіреді. Қолдан жасалған алкогольді тұтыну мүгедектікке, кей жағдайда тіпті адам өліміне де әкеліп соқтыруы мүмкін.

Шымкент қаласы бойынша Экономикалық тергеп-тексеру департаментінің қызметкерлері жедел-тергеу шараларының нәтижесінде суррогат алкоголь өнімін өндіретін 4 астыртын цех қызметінің жолын кесті»,-делінген хабарламада.

Тексеру барысында 19 мың шөлмек түрлі маркалы алкоголь өнімі, 75 литр спирт, 13,4 тонна спирті бар сұйықтық, 5 мыңнан астам және 1 орама есепке алу-бақылау маркалары табылып, тәркіленді. Сондай-ақ, контрафактілік өнімдерді құюға арналған түрлі жабдықтар тәркіленді.

Шымкент қаласы бойынша Мемлекеттік кірістер департаментінің қорытындысына сәйкес 4 астыртын цехтың ұйымдастырушылары мемлекетке 9 млн.теңгеге жуық шығын келтірген.

Үш факті бойынша ҚР ҚК-тің 233-бабының 2-бөлігі бойынша тергеу амалдары жүргізілуде, бір факті бойынша күдікті кінәсін толығымен мойындап, залалдың орнын толтырды.


Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT