Шымкентте салынып жатқан мешіт өртенді

ШЫМКЕНТ. ҚазАқпарат - Шымкентте салынып жатқан мешіт өртенді, деп хабарлайды ҚазАқпарат тілшісі ҚР ІІМ ТЖК баспасөз қызметіне сілтеме жасап.

«22 маусымда 23.10-да Нұрсәт шағын ауданында Астана даңғылының бойында жаңадан салынып жатқан мұнарада, мешіт аумағында 196 шаршы метрді құрайтын қалып жанып кеткен. Өрт 23.41-де ауыздықталып, 01.18-де сөндірілді. Ешкім зардап шеккен жоқ», - деп хабарлады ведомстводан.

Оқиға орнына ТЖД 38 қызметкері мен 8 техника бірлігі жұмылдырылды. Өрттің шығу себебі анықталып жатыр. Қайғылы жағдайдың видеосы әлеуметтік желілерде пайда болды. Кейін бұл ақпаратты ТЖК баспасөз қызметі растады.