07:50, 30 Желтоқсан 2020 | GMT +6
Шымкентте полиция қызметкерлеріне күш көрсеткен азаматтардың үстінен қылмыстық іс қозғалды
ШЫМКЕНТ. ҚазАқпарат – Шымкентте полиция қызметкерлеріне күш көрсеткен азаматтардың үстінен қылмыстық іс қозғалды, деп хабарлайды ҚазАқпарат қалалық Полиция департаментінің баспасөз қызметіне сілтеме жасап.
«Желтоқсанның 28-інде орын алған Шымкент ҚПД Әл-Фараби АПБ-ның 3 полиция қызметкеріне күш қолдану фактісі бойынша ҚР ҚК-нің 380-бабы 3-бөлігі 1-тармағымен (Билік өкiлiне қатысты күш қолдану) сотқа дейінгі тергеп-тексеру амалдары жүргізілуде. Аталған бап бойынша жеті жылдан он екі жылға дейін бас бостандығынан айыру жазасы белгіленеді. Қазіргі таңда, Шымкент ҚПД Әл-Фараби АПБ-мен ҚР ҚПК-нің 128-бабына сәйкес 3 күдікті ұсталып, уақытша қамау абақтысына жабылды» делінген хабарламада.
Полиция департаментінің мәліметіне сай, қазіргі кезде тиісті тергеу амалдары жалғасуда.