Шымкентте мыңнан астам адам коронавирустан емделуде

None
None
ШЫМКЕНТ. ҚазАқпарат - Шымкент қаласында жыл басынан бері 1 253 науқас коронавирус жұқтырған, деп хабарлайды ҚазАқпарат тілшісі.

Емделіп шыққан науқастардың саны 161 болса,7 науқас қайтыс болған. Бүгінгі күні 1 085 науқас емделіп жатыр. Олардың 179 стационарда, 906-ы үй жағдайында амбулаторлық ем қабылдауда. Бұл жөнінде қалалық денсаулық сақтау басқармасының басшысы Б.Позилов айтып өтті.
Қазіргі таңда медицина ұйымдарындағы төсек-орын толымдылығы 44 пайыз. Ал, эпидемиологиялық жағдай нашарласа, төсек-орын саны 4 016-ке дейін, ал эпидемиологиялық дағдарыс орын алса, 5 416 төсек-орнын ашу жоспарда бар.

Тұрғындардың екпе алу жағдайына тоқталған Б.Позилов бүгінгі күні тиісті контингенттің 1-ші компонентпен 99,5%, 2 компонентпен 97% вакцинацияланғанын атап өтті.
«Pfizer-BioNTech» вакцинацияның бірінші компонентімен 18 816 адам, екінші компонентімен 8 864 адам егілген. Ал, вакцинаның үшінші дозасымен бүгінге 41 773 адам ревакцинацияланған.
Айта кетейік, Шымкент қаласы коронавирус инфекциясының таралуы бойынша қызыл аймаққа өтуіне байланысты қаладағы мобильді топтардың да жұмысы күшейтілді.

Соңғы жаңалықтар