Қолданушы баптаулары
Қолданушы баптаулары
+7 (701) 759 90 19 Лента
USD 360.12 EUR 409.67
RUB 5.33 CNY 52.34
Жаңалықтар

Шымкентте «Қошқар-ата» демалыс аймағы ашылды

2018 жылғы 14 маусым 05:00 818
Бөлісіңіз:
Шымкентте «Қошқар-ата» демалыс аймағы ашылды

ШЫМКЕНТ. ҚазАқпарат - Бүгін Шымкент «Астананың 20 жылдығына - 20 нысан» акциясы аясында Қошқар ата өзенінің жағалауы пайдалануға берілді, деп хабарлайды ҚазАқпарат тілшісі.

Ұқсас жаңалықтар
Қапалда туристерге тап берген күдіктілер ұсталды - әкімдік Қапалда туристердің соққыға жығылуына қатысты әкімдік пікір білдірді

Жуырда абаттандыру жұмыстары жүргізілген өзеннің бойында өткен шараға облыс әкімі Жансейіт Түймебаев пен қала әкімі Нұрлан Сауранбаев, облыстық және қалалық мәслихат депутаттары мен БАҚ өкілдері, қала тұрғындары қатысты.


Шымкентте «Қошқар-ата» демалыс аймағы ашылды

Жаңа келбетке енген жағалаудың ашылу рәсіміне келген қонақтар, демалыс аймағын аралап, дән риза болысты. Қазір онда жарықшамдар мен орындықтар, ротондар орнатылып, түрлі ағаштар егілген.


Шымкентте «Қошқар-ата» демалыс аймағы ашылды

Бүгінгі таңда демалыс аймағын толық аяқтау үшін мемлекет мұқтажына алынатын тұрғын үйлер мен жер телімдеріне өтеамақы төлеу үшін қаржы бөлініп, тиісті жұмыстар атқарылуда. Демалыс аймағының ашылу салтанатына қатысқан аймақ басшысы шымкенттіктерді бүгінгі шарамен құттықтап, болашақта жүзеге асатын жобалармен таныстырды.


Шымкентте «Қошқар-ата» демалыс аймағы ашылды

«Шаһардың шырайын аша түсетін Қошқар ата жағалауы - қала тұрғындарының сүйікті орнына айналып, мүлдем жаңа кейіпке енетін болады. Өйткені, алдағы уақытта Қошқар ата өзені бойында көпқабатты тұрғын үйлердің құрылысы жүргізіліп, Қарасу және Қошқар-ата өзендерінің бойы толық абаттандырылады. Жалпы «Ескі қала» жобасы бойынша Қошқар ата өзенінің жағалауы демалыс және қорғау аймағы болып қарастырылған. Бұл маң - Мегаполис атанған қаланың таңдаулы, көрікті жерлерінің біріне айналмақ», - деді Жансейіт Қансейітұлы.


Шымкентте «Қошқар-ата» демалыс аймағы ашылды

 


Басты сөздер: Түркістан облысы, Оқиға,
Бөлісіңіз:

Автор:

Айнұр Ақбаева

Онлайн қызметкерлер
Редактор
Жанибек Амангелди
Жанибек Амангелди
954-059
Мұрағат