Шымкентте коронавирус жұқтырған 41 науқас жансақтау бөлімінде жатыр

ШЫМКЕНТ. ҚазАқпарат- Шымкентте коронавирус жұқтырған 41 науқас жансақтау бөлімінде ем қабылдап жатыр, деп хабарлайды ҚазАқпарат тілшісі.

Шымкентте 20 қаңтар күні КВИ-дің 444 жағдайы тіркелді.

Оның ішінде белгілері бар – 205, белгілері жоқ – 239.

Ал 50 адам инфекциялық стационарға жатқызылып, 394 адам үй бақылауына алынды.

Мамандандырылған инфекциялық стационарлардағы төсек-орын толымдығы 45 пайыз болған.

Инфекциялық стационарда - 365 науқас, жансақтау бөлімінде – 41 науқас ем қабылдауда.

Бір тәулік ішінде қалада 640 адам вакцина алған. Екпе науқаны басталғалы барлығы 594 232 адам вакцинацияланды.

Оның ішінде 581 656 адам вакцинаның екі компонентін алды.

Pfizer вакцинасының I компонентін 28 165 адам, II компонентін 13 012 адам қабылдаған.

Сондай-ақ, 59 991 адам ревакцинацияланды.