Шымкентте коронавирус туралы ақпарат тарататын арнайы сайт ашылды
Қалалық денсаулық сақтау басқармасы басшысының міндетін атқарушы Тимур Варзиловтың айтуынша, аталған сайтта COVID-19, пневмония және ЖРВИ-мен ауыратын науқастар саны мен тәулік ішінде ауруханаға түскен, жазылып кеткен шыққан науқастар жайлы ақпарат жарияланады.
«Тұрғындар COVID-19 бырыңғай ақпараттық порталына кіріп ауруханаларда және провизорлық орталықтардағы жансақтау бөліміндегі төсек-орындардың науқаспен қамтылу деңгейін көре алады. Ресурста ақпараттар күн сайын жаңартылып отырады. Сонымен қатар онда дәрігерлер қатысатын бейне-брифингілер өткізіліп, аурудың алдын алу, оның белгілері және сақтану ережелері туралы мағлұмат беріледі. Сондай-ақ сайтқа кіре отырып, медициналық мекемелер мен провизорлық орталықтардың мекен-жайлары мен телефондары туралы ақпаратты табуға болады»,- деді Тимур Варзилов.