Шымкентте Қазақстан халқы Ассамблеясының мүшелері марапатталды
Салтанатты жиынды қалалық ҚХА жанындағы Қоғамдық келісім кеңесінің төрағасы Орынбай Рахманбердиев сөз сөйлеп ашып, көпшілікті Тәуелсіздік күнімен құттықтады. Мерекелік шара барысында сондай-ақ Шымкент қалалық Қазақстан халқы Ассамблеясы төрағасының орынбасары Мұратәлі Қалмұратов пен қалалық корей этно-мәдени бірлестігінің төрайымы Роза Пак, қалалық татар-башқұрт этно-мәдени бірлестігінің төрайымы Ася Мухаммедовалар құттықтау сөз сөйледі.
Ел егемендігі мен тәуелсіздігі тыныштық пен тұрақтылықтың арқасында толыққанды қалыптасқанын ерекше айтып өтті. Мерекелік басқосуда еліміздің Тәуелсіздігі мен ел бірлігін нығайтуға қосқан елеулі үлесі үшін бірқатар азаматтар Қазақстан халқы Ассамблеясының «Бiрлiк» алтын медалi» қоғамдық медалімен, «Жомарт жан» төсбелгісімен, Құрмет грамотасымен және Алғыс хатымен марапатталады.
Айта кетейік, өткен жылы қалалық ҚХА жанынан консультативті-кеңесші орган ретінде құрылған кеңестердің құрамына жүзге тарта белсенді тұрғын мүшелікке қабылданған болатын.