Қолданушы баптаулары
Қолданушы баптаулары
+7 (701) 759 90 19 Лента
Астана: 22 °С
Алматы: 30 °С
USD 336.39 EUR 390.28
RUB 5.36 CNY 52.42
Жаңалықтар

Шымкентте қарақшы Каспий банкті тонап кетті

2017 жылғы 14 қазан 01:32 9215
Бөлісіңіз:
Шымкентте қарақшы Каспий банкті тонап кетті

ШЫМКЕНТ. ҚазАқпарат - Kaspi bank-тің Шымкентте орналасқан бөлімшесіне қарақшылық шабуыл жасалды. Белгісіз адам банкке баса көктеп кіріп, кассасын тонап кеткен. Бұл туралы банктің Instagram әлеуметтік желісіндегі парақшасында жария етілді, деп хабарлайды ҚазАқпарат тілшісі.

Келеңсіз жағдай кеше 13 қазан күні кешкі сағат 20:00-дер шамасында болған. Банктің баспасөз қызметінен хабарланғандай, қарақшылық шабуыл кезінде банк қызметкерлері мен клиенттер зардап шекпеген.

«Белгісіз біреу банкке келіп, тонап кеткен. Осы кезде банк қызметкерлері  дереу дабыл тетігін басып, тәртіп сақшыларына хабар берді. Қазір оқиға орнында полицейлер жұмыс істеп жатыр. Банктің қауіпсіздік қызметі қылмыскерлерді анықтау  үшін  барлық ақпаратты беріп, тәртіп сақшыларымен белсенді жұмыс істеуде. Нақты қанша қаржы тоналғаны анықталуда», - делінген Kaspi bankі баспасөз қызметінің таратқан мәлімдемесінде.

Сондай-ақ, банк өкілдері қылмыскер туралы білетіндер болса банктің қауіпсіздік қызметіне:  +7 747 388 29 34 нөміріне хабарласуларын сұрады. Құпиялылық болатынына кепіл беріп отыр. Тергеу шаралары жүргізіліп, ұрланған ақшаның соммасы нақтылануда.


Шымкентте қарақшы Каспий банкті тонап кетті


Бөлісіңіз:

Автор:

Айнұр Ақбаева

Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат