USD 434.24 EUR 492.69
RUB 5.67 CNY 68.46
Jańalyqtar

Шымкентте із-түзсіз жоғалған балалар үйінің тәрбиеленушілері табылды

2017 жылғы 1 наурыз 17:03
Бөлісіңіз:
Шымкентте із-түзсіз жоғалған балалар үйінің тәрбиеленушілері табылды

ШЫМКЕНТ. ҚазАқпарат - Шымкентте із-түзсіз жоғалып кеткен балалар үйінің тәрбиеленушілері табылды. Кәмелет жасына толмаған екі қыз құрылыс нысандарының бірінде қыдырып жүріпті, деп хабарлайды ҚазАқпарат ХАА тілшісі облыстық ІІД баспасөз қызметіне сілтеме жасап.

Белгілі болғандай, Қаратау аудандық ІІБ-не қаладағы балалар үйінің қызметкері арызданған. Ол 15 және 16 жастағы жасөспірім қыздардың ешкімге ескертпестен, белгісіз жаққа кетіп қалғанын айтқан. Осыдан кейін жедел-іздестіру шараларын ұйымдастырған полицейлер куәгерлерді сұрастырып, балалар үйіне жақын маңдағы аумақты түгел тексеріп шығады. Нәтижесінде, аяқталмаған құрылыс нысандарының бірінен екі қыз да табылды. Қос құрбы достарымен қыдырып қайтпақшы болыпты.

Айта кетейік, полицейлер жыл басынан бері өңірде із-түзсіз жоғалған 8 жасөспірімді тауып, үйлеріне қайтарған. Әдетте жеткіншектер үйдегі ұрыс-керіс салдарынан, не болмаса қызық көріп кетіп қалады екен. Кейіннен келеңсіз не қылмыстық жағдайларға тап болады. Бірақ тәртіп сақшылары балалар көбінде бір тәулік ішінде табылатынын айтады.

Біздің каналымызға жазылыңыз:

Бөлісіңіз:

Автор:

Айнұр Ақбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT