Шымкентте газдан уланған жасөспірім көз жұмды

ШЫМКЕНТ. ҚазАқпарат - Шымкентте газдан уланған 16 жастағы жасөспірім көз жұмды. Қайғылы жағдай бүгін түнде қаладағы мөлтекаудандардың біріндегі көпқабатты үйде болған, деп хабарлайды ҚазАқпарат тілшісі.

Облыстық газ таратушы мекеменің хабарлауынша, бүгін түнгі сағат 02:49-да кезекші бөлімге пәтерлердің бірінен жасөспірімнің иістен уланып қалғаны жөнінде хабарлама келіп түскен.
Оқиға орнына түнгі сағат 3:22-де жеткен авариялық бригада қызметкерлері пәтердің лоджиясынан 2003 жылғы жасөспірімнің қаза тапқанын анықтаған.
Үйді қарау барысында су жылытқыш пешінің қосулы тұрғаны және одан газдің иісі шығып тұрғаны белгілі болды. Мамандар сондай-ақ пәтердің лоджиясына су жылыту пешінің талаптарға сай емес етіп қойылғанын тіркеді.
Қазіргі таңда қайғылы жағдайдың себеп салдары анықталып жатыр.