Шымкентте ғасыр жасаған әжей өз үйінде дауыс берді
2022 жылғы 5 маусым 19:10

Шымкентте ғасыр жасаған әжей өз үйінде дауыс берді

ШЫМКЕНТ. ҚазАқпарат - Шымкентте жасы 100-ге келген қария Заря Ибрагимова референдумға бір кісідей қатысып, өз таңдауын жасады.

Саяси тұрғыда маңызды шарадан шет қалмаған әжей Ата заңға түзетулер топтамасын енгізу жалпы тыныс-тіршілігімізге, құқығымызға, өмірімізге тың серпін береді деген сенімде.

«Қазіргі конституциялық реформа тікелей бүкілхалықтық дауыс беру арқылы жүзеге асырылатыны қуантады. Жалпыхалықтық референдум халыққа тең мүмкіндіктер береді»,- дейді Заря Ибрагимова.

Ата заңға енгізілетін түзетулер мен толықтырулар - демократиялық мемлекет қалыптастырудағы маңызды қадам дейді шымкенттіктер.

Сондықтан референдум учаскелеріне келіп, дауыс беруге белсенді қатысты.

Кешкі сағат 18:00-дегі мәлімет бойынша қала тұрғындарының 62,07 пайызы өз таңдауын жасап үлгерген.


Серіктестер жаңалықтары

Jańalyqtar

Үрдіс

MURAǴAT