Шымкентте екінші мамандандырылған халыққа қызмет көрсету орталығы ашылды
2019 жылғы 27 наурыз 23:17

Шымкентте екінші мамандандырылған халыққа қызмет көрсету орталығы ашылды

ШЫМКЕНТ. ҚазАқпарат - Шымкентте екінші мамандандырылған халыққа қызмет көрсету орталығы ашылды, деп хабарлайды ҚазАқпарат тілшісі.

Орталықтың ашылу салтанатына қала әкімінің орынбасары Данат Жумин қатысып, ғимараттың толықтай электронды бақылау жүйесіне қосылғанын атап өтті. Мұнда тәулігіне 400 адам құжатын рәсімдей алады. Яғни, орталықта автокөлікті тіркеу және есептен шығару мемлекеттік қызметтері көрсетіледі. Жаңа мамандандырылған орталықта 52 қызметкер жұмыс істейді.

nullАл дайын құжаттарды қабылдау және беру қызметіне 20 жұмыс орны ашылып отыр. Бұдан бөлек, ғимарат алдында 150 автокөлікке тұрақ қарастырылған. Мүмкіндігі шектеулі азаматтар үшін пандустар мен шақырту түймелері орналастырылған.

Айта кетейік, аталған ХҚКО аптаның алты күнінде үзіліссіз жұмыс істейді.

Jańalyqtar

MURAǴAT