+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Шымкентте екі қайырымды азамат Президент марапатына ие болды

2019 жылғы 13 желтоқсан 20:39
Бөлісіңіз:
Шымкентте екі қайырымды азамат Президент марапатына ие болды

ШЫМКЕНТ. ҚазАқпарат – Шымкентте 11 жасар баланың өмірін сақтап қалған зейнеткер мен мүгедек жандарға қол ұшын созып жүрген азамат ерекше құрметке бөленді. Қала әкімі Ерлан Айтаханов «Ел бақытын тербеткен - Тәуелсіздік!» атты салтанатты жиында екі тұрғынға Президент марапатын тапсырды, деп хабарлайды ҚазАқпарат тілшісі.

Тәуелсіздік күніне 11 жасар баланың өміріне төнген қауіптен аман алып қалған зейнеткер Оразкүл Айтжанова ҚР Президентінің Құрмет Грамотасымен марапатталды. Ал, мүгедектердің мүддесі мен қоғамдық қызметте сіңірген еңбегі үшін «Сынақ» мүгедектер қоғамдық бірлестіктер қорының төрағасы Мұрат Жетпісбаев «Ерен еңбегі үшін» медалімен марапатталды. Өзі бірінші топтағы мүгедек болғанына қарамастан ол қоғамдық жұмыстарға белсене араласып, әлеуметтік қамқорлыққа зәру азаматтарға жылдар бойы көмек қолын созып келеді.

Аталған марапатты қала әкімі Ерлан Айтаханов тапсырып, жанашыр азаматтарға зор алғысын білдірді. Сонымен қатар, қайырымды қаланың әр азаматы осындай қайсарлық танытып, өзгеге мейірімділік көрсететініне сенімді екенін жеткізді.

Айта кетейік, қоғамдық қызметте белсенділік танытатын Оразкүл Айтжанова - төрт баланың анасы, 15 немеренің әжесі. Ал, қайсар мінезді Мұрат Әбдікәрімұлы бес баланың әкесі. Ол төрағалық ететін қоғамдық ұйым бүгінде аз қамтылған, мүгедек азаматтардың көптеген мәселелерінің шешімін табуына өз септігін тигізіп келеді.

Бұдан бөлек мерекелік жиында ҚР Президентінің Жарлығына сәйкес, мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін Шымкент қаласының 39 азаматы ҚР Мемлекеттік наградаларымен марапатталды.

Біздің каналымызға жазылыңыз:

Басты сөздер: Шымкент,
Бөлісіңіз:

Автор:

Айнұр Ақбаева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT