Шымкентте дүкен тонағандар Түркістанда ұсталды
2022 жылғы 8 қаңтар 13:41

Шымкентте дүкен тонағандар Түркістанда ұсталды

ТҮРКІСТАН. ҚазАқпарат - Түркістан облысындағы «Ынтымақ» блокекетінде Алматы қаласындағы тонауға қатысқан деген күдікпен екі адам ұсталды. Олардан түрлі техникалық құрал жабдықтар табылған, деп хабарлайды ҚазАқпарат тілшісі.

Облыстық коммендатураның мәліметінше, бүгін таңғы сағат 07:30-дар шамасында Алматы-Түркістан бағытынан келе жатқан автобус тоқтатылған. Ондағы жолаушылардың тұлғасы мен жүктерін қарау барысында екі азаматтан түрлі тұрмыстық техникалық заттар табылған. «Алматы-Түркістан бағытынан келе жатқан автобустың жолаушылары 30.12.1995ж.т. М.Ұ.Н. (ұлты қазақ, алдын тонау фактісімен сотталған) және 02.04.1998ж.т. Б.Б.Б. (ұлты қазақ, алдын ұрлық пен сотталған) жүктеріне тексеру жүргізу барысында 1 ноутбук, 2 Iphone, 1дана Samsung телефондары, 3 Canon фотоаппарат, 11 алтын бұйымдары және 2 сөмке жаңа киімдер анықталды. Осы оқиға бойынша тергеп-тексеру жұмыстары жүргізілуде. Аталған оқиға Түркістан ҚПБ-ның АЕК №225126030000301тіркелді» делінген хабарламада. Сондай-ақ, дәл осындай жәйт Жетісай ауданында да тіркелді. Онда блокпостта тоқтатылған екі жолаушыдан бірнеше тұрмыстық техникалар табылған. Олардың тәртіпсіздік кезінде Шымкент қаласындағы дүкендерді тонауға қатысқаны анықталып отыр.

Тергеу барысында бір тұрғын қылмысын толық мойындаған.


Jańalyqtar

MURAǴAT