Шымкентте боулинг-орталық өртенді

НҰР-СҰЛТАН. ҚазАқпарат - Шымкент қаласында боулинг-орталықтағы өрт сөндірілді, деп хабарлайды ҚазАқпарат тілшісі ҚР ІІМ Төтенше жағдайлар комитетіне сілтеме жасап.

«26 сәуір күні сағат 11:39-да өртке қарсы қызмет пультіне Шымкент қаласындағы «Галакси Боулинг» орталығындағы өрт туралы ақпарат келіп түсті. От машиналық бөлімде тұтанып, 50 шаршы метр аумақты шарпыған», - деп хабарлады ҚР ІІМ Төтенше жағдайлар комитетінің ресми өкілі Нұрсұлтан Нұрахметов.

Тілсіз жау 12:15-те ауыздықталып, 12:33-те толық сөндірілді. Оқиғадан ешкім зардап шеккен жоқ.

«Алдын ала болжам бойынша, электр сымдары тұйықталған болуы мүмкін. Өртті сөндіруге жеке құрамнан 25 адам және Шымкент қалалық ТЖД 5 техникасы жұмылдырылды», - дейді комитет өкілі.