+7 (701) 759 90 19
USD 420.67 EUR 510.99
RUB 5.58 CNY 64.92
Jańalyqtar

Шымкентте биыл халықаралық жеті іс-шара өтеді

2020 жылғы 4 тамыз 13:23
Бөлісіңіз:
Шымкентте биыл халықаралық жеті іс-шара өтеді

ШЫМКЕНТ. ҚазАқпарат – «Шымкент 2020 – ТМД елдерінің мәдени астанасы» жылы аясында халықаралық жеті іс-шара өтеді. Елімізде енгізілген карантин режиміне байланысты барлық шараларды онлайн форматта өткізу жоспарланып отыр, деп хабарлайды ҚазАқпарат тілшісі.

Қалалық мәдениет, тілдерді дамыту және архивтер басқармасының басшысы Рашид Мыңбаевтың айтуынша, барлық шаралар тамыз айында басталып, жыл соңына дейін жалғасады.

«Осы уақыт аралығында халықаралық 7 мәдени шара өтеді. Олар – ТМД елдері арасында халық аспаптарында орындаушылардың «Достастық халықтарының музыкасы», қазақтың ұлы композиторы, Қазақстан Республикасы Әнұранының авторы Шәмші Қалдаяқовтың 90 жылдығына арналған «Менің Қазақстаным» эстрадалық әндерді орындаушылары, «Шымкент – қайырымды қала» балалар шығармашылығына арналған, «Достастықтың опера жұлдыздары» опера орындаушылары, ТМД елдерінің театр фестивальдері және Қазақтың ұлы ойшыл ақыны Абайдың 175 жылдығына арналған «Абай сөзі» онлайн оқу мен ТМД елдерінің халықаралық музей апталығы. Айта кетейін, аталған іс-шараларға бюджеттен қаржы қарастырылмайды», – деді Р. Мыңбаев.

Спикердің сөзіне сүйенсек, елімізде төтенше жағдай енгізген уақыттан бері қалалық басқарманың 18 мекемесі тарапынан онлайн түрде 820 іс-шара ұйымдастырылған. 63 бейнеролик дайындалып, 300 мыңға жуық көрермен тамашалаған. Бұл мәдени шараларға қаржы жұмсалмаған. Яғни, аталған басқармаға бөлінген қаржы індетке байланысты толық қайтарылған. Осы ретте басқарма басшысы «Шымкент қалашығы» (Цитадель) нысанын қайта қалпына келтіру және абаттандыру мен мұражайландыру жұмыстары аяқталып жатқанын алға тартып, күз айында бітетінін айтты. Салтанатты ашылу рәсімі онлайн форматта өтеді деп күтілуде.


Біздің каналымызға жазылыңыз:

Бөлісіңіз:

Автор:

Айнұр Ақбаева

Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT