Шымкентте бір жасар сәби электр тоғынан қайтыс болды
09:27, 16 Тамыз 2022
ШЫМКЕНТ. ҚазАқпарат - Шымкентте бір жасар сәби электр тогынан қайтыс болды. Ол абайсызда ашық тұрған электрсымды қолымен ұстап қалған, деп хабарлайды ҚазАқпарат тілшісі.
Қалалық ТЖД баспасөз қызметінің мәліметінше, қайғылы жағдай кеше кешке «Нұртас» шағын ауданындағы тұрғын үйлердің бірінде орын алған. Ата-анасының айтуынша, үйде Asel пеші ұзартқыш арқылы қуат көзіне қосулы тұрған. Қасында ойнап жүрген сәби оның ақауы бар электр сымын ұстап алған.
«Бала оқиға орнында қайтыс болған. Оқиғаның нақты мән-жайын полиция қызметкерлері анықтап жатыр.
Қалада тамыз айында электр тоғынан соққы алып, 2 жазатайым оқиға орын алды. Оның бірінде 2013 жылғы қыз бала зардап шексе, екінші жағдайда 2021 жылғы бүлдіршін қайтыс болды», - делінген хабарламада.