Шымкентте атаулы әлеуметтік көмек алу үшін 7596 отбасы табысын жасырған
Басқарма басшысы Ғалымжан Балтаевтың сөзінше, бүгінгі күнге дейін 62 731 өтініш қаралып, 9801 өтініш (15,6%) кері қайтарылған. 2 149 отбасыға 1 530 млн теңгеге тағайындалған төлемдер толық тоқтатылған. Оның 70,6 млн теңгесі бюджетке қайтарылған. Тағы 3 отбасы 828,4 мың теңгені өз еркімен бюджетке қайта төлеген. Сонымен қатар, 5 447 отбасының әлеуметтік төлемдеріне қайта есептеу жұмыстары жүргізіліп, 5 358 отбасының төлемдері қайта есептеліп, тағайындалған сома 1 037,4 млн теңгеге кемітілді.
«Аталған тапсырма аясында, аудандарда өңірлік комиссиялар құрылып отыр. Комиссия құрамында: аудан әкімінің орынбасары, салық органының өкілі, учаскелік полиция өкілі, қоғамдық бірлестіктер өкілі, жұмыспен қамту басқармасының маманы бар. Олар атаулы әлеуметтік көмек алушыларды үйме-үй аралап, табыстарын қайта қарау жұмыстары жүргізілуде»,- деді Ғалымжан Балтаев.