Шымкентте аса ірі көлемде кокаин таратқан бойжеткен сотталды

ШЫМКЕНТ. ҚазАқпарат -  Шымкентте аса ірі көлемде кокаин таратқан бойжеткен сотталды. Қалалық қылмыстық істер жөніндегі мамандандырылған сот 24 жастағы қызды 5 жылға бас бостандығынан айырды, деп хабарлайды ҚазАқпарат тілшісі.

Аталған соттың хабарлауынша, айыпталушыға қатысты үкім 15 қазанда шыққан.

«Айыпталушыға тағылған баптар бойынша 10 жылдан 15 жылға дейінгі бас бостандығынан айыру жазасы қарастырылған. Алайда сотталушының прокурормен процесуалдық келісімге келіп, тергеу кезінде сыбайластарын ұстап беруге көмектескені үшін жазасы жеңілдетілді. Жазасын бес жылға төмендетті. Үкім әлі заңды күшіне енген жоқ» делінген хабарламада.