+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Шымкентте 65 жастан асқандардың қалада жүруіне шектеу қойылды – Қаулы

2021 жылғы 15 мамыр 16:40
Бөлісіңіз:
Шымкентте 65 жастан асқандардың қалада жүруіне шектеу қойылды – Қаулы

ШЫМКЕНТ. ҚазАқпарат – Шымкент қаласының бас мемлекеттік санитар дәрігері Әбдіманап Төлебаев карантин режимін ұзарту туралы жаңа қаулы қабылдады, деп хабарлайды ҚазАқпарат тілшісі.

Ұқсас жаңалықтар
Қарағанды облысының шалғай ауылдарын жылжымалы егу кешені аралайды Вакцинация мен ПТР-тестілеуден бас тартқандарға қандай шара қолданылады ҚР Қорғаныс министрі шетелдік әріптестеріне ел әскерінің пандемиямен күрестегі еңбегін баяндады

«Шымкент қаласында карантин режимін және коронавирус инфекциясының таралуының алдын алу жөніндегі шектеу шаралары 2021 жылдың 16 мамырынан бастап эпидемиологиялық жағдай тұрақталғанша ұзартылсын.Шымкент қаласының тұрғындарына және қонақтарына адам көп жиналатын іс-шараларды (еске алу, туған күндер, мерей тойлар, шығарып салу, құдалық, той, беташар және басқа) өткізуге тыйым салынсын», - деп жазылған жаңа қаулыда.

Сонымен бірге, 65 жастан асқан адамдардың қалада жүруі шектеледі.

Қоғамдық орындарға (оның ішінде қоғамдық көлікте) және қызметіне рұқсат етілген нысандарға барғанда, ашық ауада орналасқан қоғамдық орындарда (5 жасқа дейінгі балаларды және ашық ауада спортпен шұғылдануды қоспағанда) бетперде кию, әлеуметтік қашықтықты сақтау және антисептиктерді пайдалану талаптары қатаң сақталады.

Бас санитарлық дәрігер қаланың әкімі, мемлекеттік органдар, заңды тұлғалар және кәсіпкерлік субъектілерге карантин кезеңінде мына шараларды қамтамасыз етуді тапсырды.

«Шымкент қаласында әлеуметтік-экономикалық объектілер қызметіне рұқсат беру және шектеу осы қаулының 1 қосымшасына сәйкес іске асырылсын. Сауда орталықтарында, азық-түлік және азық-түлік емес дүкендерде, халыққа қызмет көрсету саласындағы нысандарда және халық көп жиналатын орындарда күнделікті дезинфекциялық іс-шаралар жүргізілсін. Спортшылар мен жаттықтырушылар құрамы COVID-19-ға қарсы вакциналаудың толық курсын алған жағдайда қалалық командаларды дайындау үшін оқу-жаттығу жиындарын қайта бастауға рұқсат берілсін», - делінген қаулыда.

Саяжайлар, скверлер, жағалаулар және Шымкент қаласындағы автовокзалдар мен автостанциялар жұмысы қалыпты режимде жүргізіледі.

Қаулының толық мәтінін Шымкент қаласы санитарлық-эпидемиологиялық бақылау департаментінің сайтынан оқуға болады.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT