Шымкентте 2765 отбасы атаулы әлеуметтік көмек алуға өтініш берді
Ербол Садырдың сөзінше, жаңа форматтағы атаулы әлеуметтік көмекке құжат қабылдау 5 қаңтарда басталған. Бүгінгі таңда 9 244 адамға кеңес беріліп, құжаттар 5 мекенжайда қабылданып жатыр.
«Биыл барлық төлемдер электронды форматта өтеді. Әр айдың 5-10 аралығында бір уақытта әлеуметтік аз қамтылған отбасылар жәрдемақысын алып отырады. Егер отбасы мүшесі жұмысқа орналасудан бас тартса, АӘК төленбейді. Еңбекке қабілетті бола тұра жұмыс істемесе, бүкіл отбасы мүшелеріне атаулы әлеуметтік көмек төлеу тоқтатылады»,- деді қала әкімінің орынбасары.
Ербол Садыр сондай-ақ, үшінші мегаполисте аз қамтылған отбасыларға берілетін мемлекеттік жәрдемақы аясында 74 мыңға жуық бала ыстық тамақпен қамтылатынын атап өтті. Құжаттар мен жәрдемақы тағайындау электронды түрде жүргізіледі. Атаулы әлеуметтік көмек алушыларға жәрдемақы әр айдың 10-на дейін түсіп отырады.